АБСЕ: Пераследуючы журналістаў, улады Беларусі недапушчальна парушаюць абавязацельствы краіны
Прадстаўнік АБСЕ па пытаннях СМІ Дунья Міятавіч занепакоена націскам з боку ўлад Беларусі на мясцовых і замежных журналістаў. Пра гэта гаворыцца ў лісце, які Міятавіч накіравала міністру замежных спраў Беларусі Сяргею Мартынаву, паведамілапрэс-служба АБСЕ.
«Улады працягваюць запалохваць і пераследаваць незалежныя СМІ. Гэта небяспечная тэндэнцыя, якая пачалася пасля прэзідэнцкіх выбараў 19 снежня 2010 года, дасягнула сваёй крытычнай кропкі. Гэтыя дзеянні недапушчальна парушаюць абавязацельствы Беларусі ў межах АБСЕ», — падкрэсліла Міятавіч.
У сваім лісце яна пералічыла выпадкі, калі журналісты і СМІ ў Беларусі зазнавалі пераслед, асабліва падкрэсліўшы, што сур’ёзна занепакоена «крымінальным пераследам журналістаў Ірыны Халіп і Наталлі Радзінай».
Міятавіч таксама нагадала Мартынаву пра адмовы Вышэйшага гаспадарчага суда ў задавальненні іскаў «Аўтарадыё» і газеты «Народная воля», якія спрабавалі апратэставаць вынесеныя Міністэрствам інфармацыі папярэджанні.
Акрамя таго, яна выказала занепакоенасць выпадкамі арыштаў беларускіх журналістаў Алеся Асіпцова і Уладзіміра Лапцэвіча, а таксама расіяніна Аляксандра Лашманкіна.
Міятавіч таксама занепакоена пераследам карэспандэнта польскай «Газеты выборчай» у Беларусі Андрэя Пачобута.
-
Акунін расказаў, што неабходна, каб выжыць, калі ты застаўся ў кепскай краіне
-
64‑гадовага віцэ-чэмпіёна па аўтаспорце кінулі ў калонію за палітыку. Арыштавалі пасля вяртання з-за мяжы
-
Ціханоўская да 15‑й гадавіны трагедыі ў мінскім метро: Сёння — дзень памяці і болю, які жыве ў нашых сэрцах ужо 15 гадоў
Цяпер чытаюць
Паступова выйшлі на волю арыштаваныя па «Справе кнігароў». Акрамя аднаго5
Каментары