Дэмакратычныя сілы Гомельшчыны запланавалі паездку па пацярпелых ад катастрофы на Чарнобыльскай АЭС раёнах.
Аб’яднаныя дэмакратычныя сілы Гомельшчыны запланавалі паездку па пацярпелых ад катастрофы на Чарнобыльскай АЭС раёнах.
Як паведаміў кіраўнік абласной арганізацыі Аб’яднанай грамадзянскай партыі Васіль Палякоў, сябры дэмакратычных партый і аб’яднанняў вобласці сфармуюць дзве групы. Адна паедзе па маршруце Хойнікі — Брагін, іншая наведае Карму, Чачэрск і Ветку.
Васіль Палякоў:
— У гэтых населеных пунктах плануецца ўскладанне кветак і ўшанаванне памяці ахвяраў тэхнагеннай катастрофы на Чарнобыльскай АЭС. Таксама, калі будзе магчымасць, мы паспрабуем наведаць тых людзей, якія жывуць у забруджанай зоне. Будзем удакладняць і дазнавацца пра ўмовы жыцця жыхароў пацярпелых раёнаў. Справа ў тым, што гэтая катэгорыя людзей фактычна кінутая ўладамі. Чарнобыльская праблематыка, нягледзячы на тое, што наступствы аварыі не пераадоленыя (іх, зрэшты, і немагчыма пераадолець), замоўчваецца. Наадварот, усё робіцца для таго, каб нічога не прадпрымалася для дапамогі людзям.
Прадстаўнікі Аб’яднаных дэмакратычных сілаў вобласці падавалі заяўку ў гарвыканкам на правядзенне ў Гомелі антыядзернага мітынга. Але дагэтуль ад выканаўчых уладаў няма аніякага адказу.
Незалежна ад рашэння гарадскога кіраўніцтва, распавёў Васіль Палякоў, мясцовыя дэмакраты 26 красавіка ўскладуць вянкі і кветкі да Чарнобыльскай каплічкі ля абласнога ўпраўлення МНС.
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае6
Каментары