Лукашэнка назваў кіраўніка Еўракамісіі казлом і абвінаваціў кіраўніцтва Украіны ў «вашывасці»
«Што тычыцца такіх казлоў, як Барозу і іншых… Ну, хто такі Барозу? Быў нейкі Барозу ў Партугаліі, але выгналі яго і ўладкавалі ў Еўракамісію».
Аляксандр Лукашэнка прапанаваў задаць пытанне кіраўніцтву Украіны з нагоды свайго няўдзелу ў чарнобыльскіх мерапрыемствах разам з прэзідэнтамі Украіны і Расіі.
«Задайце гэтае пытанне Януковічу: чаму беларускі прэзідэнт не прысутнічае на іх мерапрыемствах. Гэта вы ў іх спытайце. На жаль, вашывасці хапае ў цяперашняга кіраўніцтва Украіны», — заявіў А. Лукашэнка журналістам у аўторак.
А. Лукашэнка ўчора наведаў Лунінец, а сёння — Нараўлянскі раён.
Лукашэнка таксама назваў нягоднікамі тых, хто нібыта спрабуе ўвесці эканамічныя санкцыі супраць рэспублікі, назваўшы дадзеныя спробы марнымі. «Проста нягоднікі. Таму я не жадаю казаць аб усякіх Барозу, іншых казлах, быках і іншых», — заявіў А. Лукашэнка журналістам у аўторак. Яго словы цытуе агенцтва «Інтэрфакс».
Як вядома,
эканамічных санкцый супраць Беларусі Еўрасаюз не ўводзіў. У той жа час ЕС папярэдзіў, што ў выпадку новых рэпрэсій супраць насельніцтва Беларусі, у прыватнасці, зняволення арыштаваных кандыдатаў у прэзідэнты, могуць быць уведзеныя новыя меры супраць лукашэнкаўцаў. Сёння кіраўніцтва Еўрасаюза праводзіць палітыку ігнаравання Аляксандра Лукашэнкі і ягоных паплечнікаў.У прыватнасці, старшыня Еўракамісіі заявіў кіраўніцтву Украіны, што ўмовай ягонага ўдзелу ў чарнобыльскім саміце будзе адсутнасць Лукашэнкі. ЕС лічыць непрымальнай і варожай для ЕС унутраную і замежную палітыку Лукашэнкі.
«Што тычыцца такіх казлоў, як Барозу і іншых… Ну, хто такі Барозу? Быў нейкі Барозу ў Партугаліі, але выгналі яго і ўладкавалі ў Еўракамісію. Я менш за ўсё гляджу, што дзе хто ляпнуў з еўрапейскіх чыноўнікаў. Іх там тысячы», — заявіў А. Лукашэнка.
«Хіба можна супраць краіны, якая больш за ўсё пацярпела ад чужой расхлябанасці [Чарнобыльскай аварыі] весці гаворку аб тым, каб увесці нейкія санкцыі? — рытарычна пытаўся Аляксандр Лукашэнка. — Нам дапамагаць трэба, — і дадаў. — Той, хто ўтварыў гэта, павінен быў бы дапамагаць нам».
«Але казлы — яны і ёсць казлы, — працягваў А. Лукашэнка. — Што сёння пра іх казаць? Мы для іх [Захаду] — канкурэнты. Мы — ідэалагічныя праціўнікі. Мы — людзі, якія прапаведуюць іншы лад жыцця». І яшчэ: «Мы для іх небяспечныя. І справа не ў нейкай дыктатуры і дэмакратыі». «Нам не патрэбна такая іх дэмакратыя», — падсумаваў ён.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам12
Каментары