Мінэканомікі цалкам адпусціла цэны на вараную каўбасу, вэнджаніну, сыр, рыбу, цытрусавыя
Мінэканомікі Беларусі сваёй пастановай N66 ад 27 красавіка зацвердзіла новы пералік харчовых тавараў, на якія захоўваюцца абмежаванні гандлёвай надбаўкі (з улікам аптовай).
У адпаведнасці з пастановай, тэкстам якой валодае агенцтва "Інтэрфакс-Захад", гэты пералік істотна скарочаны ў параўнанні з раней дзеючым (з верасня 2008 года).
Так, у новы пералік тавараў, на якія распаўсюджваюцца абмежаванні па гандлёвай надбаўцы, не ўвайшлі:
вараныя каўбасныя вырабы (у тым ліку сасіскі, сардэлькі, крывяныя і ліверныя кілбасы), вэнджаніна і паўвэнджаная каўбаса, мясныя субпрадукты, кісламалочныя прадукты (акрамя кефіру), вяршкі, тварожныя вырабы, сыры, іншыя малочныя прадукты.
Таксама з пераліку выключаны цукар, рыба, рыбныя кансервы, цытрусавыя, бананы.
Акрамя таго, у новай пастанове істотна скарэктаваныя пазіцыі, паводле якіх дзеянне гандлёвых надбавак захоўваецца. Так, раней гандлёвыя надбаўкі распаўсюджваліся на пазіцыю "хлеб і хлебабулачныя вырабы". У новай рэдакцыі гэтая пазіцыя выглядае як "хлеб жытні і жытна-пшанічны, батоны і хлябцы з пшанічнай мукі нясдобныя вагой 300 грамаў і больш, што адпавядае зацверджанай у красавіку пазіцыі ў пераліку сацыяльна-значных тавараў, цэны на якія рэгулююцца Мінэканомікі. Гэта значыць, у адносінах астатніх хлебабулачных вырабаў зараз знятыя ўсе абмежаванні па цэнаўтварэнні. Раней ўстанаўлівалася гандлёвая надбаўка на мясныя паўфабрыкаты.
Зараз ўдакладняецца, што гандлёвая надбаўка падыходзіць толькі да буйнакавалкавых паўфабрыкатаў.
Цяпер чытаюць
«Як толькі чуюць пра Расію — дык усё… У чым праблема?» У Мінску не хочуць здаваць кватэру чалавеку з расійскім пашпартам14
Каментары