Апублікаваныя прозвішчы яшчэ 13 беларускіх чыноўнікаў, якім забаронены ўезд на тэрыторыю Еўрасаюза.
24 мая на сайце Афіцыйнага часопіса ЕС апублікаваныя імёны яшчэ 13 беларускіх чыноўнікаў, якім забаронены ўезд на тэрыторыю Еўрасаюза. Спіс з 175 чалавек дапоўнены прозвішчамі ў асноўным суддзяў і пракурораў, якія ўдзельнічалі ў судовых працэсах над удзельнікамі акцыі пратэсту 19 снежня.
У дадатковы спіс уключаны:
Шыкараў Уладзіслаў — суддзя Чыгуначнага раёна Віцебска;
Меркуль Наталля Віктараўна — дырэктар Талькаўскай сярэдняй школы (за звальненне па палітычных матывах настаўніцы гісторыі вышэйшай катэгорыі Наталлі Ільініч);
Акуліч Святлана Расціславаўна — суддзя суда Пухавіцкага раёна Мінскай вобласці (за адхіленне пазову Ільініч аб аднаўленні на працы);
Пыкіна Наталля — суддзя Партызанскага раёна (працэс Мікіты Ліхавіда);
Мазоўка Сяргей — пракурор (працэс Змітра Дашкевіча і Эдуарда Лобава);
Аляксандраў Дзмітрый Пятровіч — суддзя Вышэйшага эканамічнага суда (працэс па пазове «Аўтарадыё»);
Вакульчык Валерый — начальнік
Чацвертакова Наталля — суддзя Партызанскага раёна Мінска (працэс Андрэя Саньнікава, Ільлі Васілевіча, Фёдара Мірзаянава, Алега Гнедчыка і Уладзіміра Яроменка);
Булаш Ала — суддзя Кастрычніцкага раёна Мінска (працэс Паўла Вінаградава, Дзмітрыя Дразда, Алеся Кіркевіча, Андрэя Пратасені і Уладзіміра Хамічэнкі);
Бароўскі Аляксандр Генадзьевіч — дзяржаўны абвінаваўца суда Кастрычніцкага раёна Мінска працэс Паўла Вінаградава, Дзмітрыя Дразда, Алеся Кіркевіча, Андрэя Пратасені і Уладзіміра Хамічэнкі);
Сіманоўскі Дзмітрый Валер’евіч — дзяржаўны абвінаваўца суда Першамайскага раёна Мінска (працэс над Змітром Бандарэнкам);
Брысіна Жанна — суддзя Заводскага раёна Мінска (працэс Ірыны Халіп, Сяргея Марцалева і Паўла Севярынца);
Жукоўскі Сяргей Канстанцінавіч — дзяржабвінаваўца суда Заводскага раёна Мінска (працэс Ірыны Халіп, Сяргея Марцалева і Паўла Севярынца).
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне10
Каментары