«Газпром»: падставаў сустракаць Новы год за сьвяточным сталом у вас няма
Такую думку выказаў сёньня, 28 сьнежня, афіцыйны прадстаўнік «Газпрому» Сяргей Купрыянаў. Аднак і гараваць Лукашэнку асабліва ня прыйдзецца: Расея выстаўляе для самага блізкага з сатэлітаў цану, на 25 даляраў меншую, чым для Ўкраіны, і на 125 даляраў меншую, чым для Літвы. Сёньня гэта пацьвердзіў прэм'ер Фрадкоў у размове з сваім беларускім калегам Сідорскім.
Апошняя прапанова «Газпрому» па цане на газ для Беларусі — $105 за тысячу кубамэтраў. «Ці будуць пры аплаце гэтай сумы выкарыстаныя акцыі «Белтрансгазу» ў якасьці аплаты часткі паставак ці не — непрынцыпова», — заявіў у чацьвер прадстаўнік «Газпрому» Сяргей Купрыянаў у інтэрвію вечаровай праграме расейскага тэлеканалу «Россія». Пры гэтым ён дадаў, што «сёньня ніякага прагрэсу на перамовах няма».
Раней сёньня Сяргей Купрыянаў заяўляў, што не выключае магчымасьці ўвядзеньня ўрадам Расеі экспартных пошлін на газ у Беларусь. Паводле яго словаў «ва ўмовах, калі мы так і ня можам пачаць нармальнае супрацоўніцтва ў газавай галіне, цалкам магчыма прыняцьцё рашэньне аб адмене сёньняшніх прэфэрэнцыяльных дачыненьняў у будучыні».
Між тым "крыніца ва ўрадзе Расеі" сёньня паведаміла інфармагенцтвам, што ўрад не падтрымае такую ідэю "Газпрому".
У той жа час Купрыянаў заявіў, што «падстаў сустракаць Новы год за сьвяточным сталом перагаворшчыкам па пастаўках газу ў Беларусь пакуль няма». Пры гэтым расейскі бок ўсё ж такі спадзяецца на тое, «што мы дамовімся сёлета».
Прэм'ер Сідорскі сёньня ў Шклове выказаў пэўнасьць, што да Новага году дамова з Расеяй будзе падпісаная. Сёньня ж увечары адбылася тэлефонная размова прэм'ераў Беларусі й Расеі Сідорскага і Фрадкова.
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары