Навалы скочак у Мінску здараюцца не першы год.
Навалы скочак у Мінску здараюцца не першы год.
Пасля паведамлення «НН» пра атаку блох на Мінск, нашы чытачы пачалі паведамляць у каментарах пра падобныя выпадкі ў сваіх раёнах горада і ў іншых гарадах Беларусі. У рэдакцыю патэлефанавала жанчына, якая жыве на вуліцы Цнянскай. Марыя Аляксандраўна паведаміла, што з-за блох яе дачка і дзіцём вымушаныя былі з’ехаць з кватэры. Па яе словах, насякомыя апанавалі кватэру настолькі, што ў ёй проста немагчыма нармальна жыць.
Дайшлі звесткі і з вуліцы Сердзіча, жыхары якой першымі звярнуліся ў «НН» са скаргай на антысанітарыю. Яны расказалі, што
сёння раніцай у падвал спрабавалі зайсці супрацоўнікі ЖЭС. Але былі атакаваныя скочкамі і выбеглі вонкі, абтрасаючы з сябе пошасць.
Як высветлілася, навалы скочак у Мінску здараюцца не першы год. Летась Сталічнае тэлебачанне рабіла сюжэт у Чыжоўцы. Ён так і называўся «Блышынае нашэсце ў Мінску». Заўважана, што скочкі масава з’яўляюцца ў перыяд спёкі, што спалучаецца з высокай вільготнасцю. Акурат такія, спрыяльныя для паразітаў умовы і склаліся на мінулых тыднях у сталіцы.
Каментары