Бацькі школьнікаў пратэстуюць супраць закрыцця вясковай школы
Канфлікт здарыўся ў Старадарожскім раёне.
Бацькі школьнікаў аграгарадка Сінягова Старадарожскага раёна абураныя рашэннем райвыканкама закрыць мясцовую школу.
Самым малодшым школьнікам дадуць магчымасць вучыцца ў дзіцячым садку, іншым дзецям давядзецца хадзіць у школу за 8 кіламетраў, якая знаходзіцца ў вёсцы Пасека.
У дзіцячым садку пакуль робіцца рамонт. Бацькі паведамілі, што абсталяваннее не прыдатна для заняткаў школьнікаў. Апроч таго, колькасць дзяцей павялічылася больш як у паўтара раза. Такім чынам парушаюцца і санітарныя нормы.
Мясцовыя ўлады адмовіліся адкрыць старую школу, яны патлумачылі, што школа стала малакамплектная.
Насамрэч у ёй засталося 46 вучняў ад 1 да 10 класаў.Бацькі школьнікаў падалі калектыўную скаргу загадчыцы раённага аддзела адукацыі. Яны запэўнілі, што будуць дабівацца стварэння нармальных умоў для адукацыі сваіх дзяцей.
Каментары