Фігурант справы аб выбуху ў мінскім метро Румянцаў праходзіць у якасці сведкі
заявіў сёння суддзя на пасяджэнні.
Цяпер ён сведка, але ў тэксце абвінавачання фігуруе як саўдзельнік па ранніх эпізодах у Віцебску (у прыватнасці, па выбуху ў пад’ездзе). «Справа спынена за даўнасцю гадоў», — адзначыў пракурор.
У сваю чаргу прадстаўнік пацярпелай Інэсы Крутой спытаў: «Чаму тады гэтыя эпізоды ставяцца ў віну Канавалаву і Кавалёву?» Суддзя растлумачыў, што ў даным выпадку гэта абумоўлена асаблівасцямі тэорыі крымінальнага права: «Гэта тэорыя ёсць, пачынаючы з рымскага права… Мы не можам растлумачыць тут усё крымінальнае права».
Сёння ў Мінску праходзіць другое судовае пасяджэнне па справе аб тэракце, які адбыўся ў мінскім метро 11 красавіка. На судзе старшынствуе суддзя Вярхоўнага суда Аляксандр Федарцоў, а абвінавачанне падтрымліваюць тры пракуроры на чале з намеснікам генпракурора Аляксеем Стукам.
Каментары