У лесе каля Навабеліцкага раёна Гомеля мясцовыя вернікі і актывісты аргкамітэта па стварэнні партыі «Беларуская хрысціянская дэмакратыя», а таксама члены кааліцыі «Наша альтэрнатыва» 5 лістапада ўстанавілі крыж у памяць аб ахвярах сталінскіх рэпрэсій.
Драўляны чатырохметровы крыж устаноўлены на развілцы лясных дарог непадалёк ад раней устаноўленага ўладамі крыжа «Пакутнікам Беларусі».
Як паведаміў адзін з удзельнікаў акцыі Алесь Сівакоў, на працягу ўсяго шляху актывістаў суправаджаў грамадзянскі аўтамабіль, з якога, магчыма, сачылі. Але перашкод ніхто не рабіў. Актывісты правялі малебен пасля ўстаноўкі крыжа.
«Пакуль ён без апазнавальных знакаў, але з часам мы прымацуем да яго таблічку, на якой будзе сказана, што крыж устаноўлены ў памяць аб нявінна расстраляных у гэтым лесе ахвярах сталінскіх рэпрэсій. Тут дагэтуль пастаянна знаходзяць косці і чарапы закатаваных людзей», — пракаментаваў Сівакоў.
Акцыя была прымеркавана да бацькоўкай суботы — у гэты дзень праваслаўныя памінаюць памерлых сваякоў.Ужо другі год запар гомельскія актывісты праводзяць падобныя акцыі. Нагадаем, 6 лістапада 2010 года яны пранеслі па цэнтральных вуліцах Гомеля трохметровы драўляны праваслаўны крыж і ўстанавілі яго ў лесе за горадам на месцы масавых пахаванняў ахвяр сталінскіх рэпрэсій. Праз некалькі дзён невядомыя знеслі крыж, аб чым актывісты паведамілі ў міліцыю. Неўзабаве крыж зноў з’явіўся на ранейшым месцы, дзе стаіць і дагэтуль.
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары