Лябедзька: Генерала Азаронка затрымалі перад Плошчай, у турме КДБ ён паводзіў сябе абсалютна прыстойна
«Калі там з'явіліся гэтыя «маскі», ён проста адмаўляўся падпарадкоўвацца незаконным загадам».
Паводле звестак кіраўніка Аб'яднанай грамадзянскай партыі Анатоля Лябедзькі, якога схапілі і прывезлі ў турму КДБ пасля мітынгу 19 снежня, Ігар Азаронак на той момант там ужо быў, хоць афіцыйна лічыцца, што яго затрымалі 20 снежня.
«Я сядзеў у следчым ізалятары КДБ, калі там быў Азаронак, а таксама сядзеў з людзьмі, якія былі з ім раней ў адной камеры. Пра Азаронка былі толькі станоўчыя водгукі.
Расказвалі, што ў ноч з 19 на 20 снежня ён не спаў, хадзіў туды-сюды і, відаць, чакаў, што будуць перамены.А па-другое, калі я ўжо выйшаў з «амерыканкі» і размаўляў з людзьмі з абароннага ведамства, то чуў наступнае. Сярод іх ходзіць версія, што яшчэ да 19 снежня паступіў загад усім падраздзелам Мінабароны быць гатовымі да падаўлення выступленняў людзей, але ён адрэагаваў на гэта крайне негатыўна і яму за гэта зрабілі справу, што ён нібыта хабар хацеў атрымаць. Ведаю, што
ў «амерыканцы» Азаронак паводзіў сябе абсалютна прыстойна. Чалавек ён годны і, калі там з'явіліся гэтыя «маскі», з ім ўзнікалі вялікія праблемы, бо ён проста адмаўляўся падпарадкоўвацца незаконным загадам».
Калі суддзі сыходзілі з судовай залы, Ігар Азаронак паспеў гучна сказаць на іх адрас: «Будзьце вы праклятыя, марыянеткі».Другі асуджаны Андрэй Машкаўцан прысуд ніяк не пракаментаваў.
Адвакат і сваякі Ігара Азаронка размаўляць з журналістамі адмовіліся. Прысуд уступае ў дзеянне з сённяшняга дня, 12 снежня. Цягам дзесяці дзён асуджаныя могуць падаць толькі наглядную скаргу.
-
Каверын: У мяне расце дачка, і я хацеў бы, каб яна жыла, хутчэй, у тым свеце, які ўяўляюць сабе ідэальным феміністкі
-
Паўлючэнка пра вяртанне Пачобута: «Пункт біфуркацыі, пасля якога шмат зменіцца»
-
Фядута пра помнік Паскевічу ў Гомелі: Чыгуннай нагой стане на мяжы з Украінай, дэманструючы, што ўжо беларускую зямлю Пецярбург не аддасць
Каментары