Павелічэнне базавай велічыні да 100 тысяч рублёў з 1 красавіка выклікала неадназначную рэакцыю ў Федэрацыі прафсаюзаў Беларусі. Пра гэта гаворыцца ў размешчаным на сайце ФПБ паведамленні.
«З аднаго боку, гэта зрабіць было цалкам лагічна, бо ў нашай краіне базавая прымяняецца для вызначэння памеру дапамогі па беспрацоўі і розных сацыяльных выплат. З другога — яе павышэнне выкліча і некаторыя негатыўныя наступствы», — гаворыцца ў паведамленні.
Як зазначаюць у ФПБ,
у трохразовага павышэння стаўкі базавай велічыні (з цяперашніх 35 тысяч рублёў да 100 тысяч) «шмат станоўчых момантаў». «Разам з ёй аўтаматычна ўзрастуць, напрыклад, памеры сацыяльных выплат, прадугледжаных калектыўным дагаворам (у сувязі з нараджэннем дзіцяці, дапамога шматдзетным сем’ям і іншыя). Дапамога па беспрацоўі (з 0,7 да 2 базавых у залежнасці ад ранейшай занятасці) і стыпендыі грамадзянам, накіраваным органамі па працы і занятасці на прафпадрыхтоўку і павышэнне кваліфікацыі (ад 1,05 да 3 базавых у залежнасці ад ранейшага заробку)», — падкрэсліваецца ў паведамленні. Таксама сярод іншы плюсоў называецца павелічэнне памераў кампенсацыі расходаў па найме жылля навучэнцам і студэнтам (у Мінску са 105 да 300 тысяч рублёў, у іншых населеных пунктах з 70 да 200 тысяч), а таксама памераў вызваляемых ад падаходнага падатку даходаў, атрыманых ад прафсаюзных арганізацый іх членамі.
«Да ліку „мінусаў“ перадусім трэба аднесці рост кошту арэнднай платы (таксама ў тры разы), што пацягне за сабой падаражанне тавараў і паслуг.Узрастуць таксама памеры дзяржпошлін. Так, напрыклад, плата за дзяржаўную рэгістрацыю прафсаюза ў арганізацыі павялічыцца са 175 да 500 тысяч рублёў, за выдачу ліцэнзіі на ажыццяўленне юрыдычнымі і фізічнымі асобамі асобных відаў дзейнасці — з 280 да 800 тысяч рублёў, за выдачу вадзіцельскага пасведчання — з 17,5 да 50 тысяч рублёў. Даражэй давядзецца плаціць за абмен пашпарта — замест цяперашніх 17,5 тысячы 50 тысяч рублёў, і гэта ўжо не кажучы пра павышэнне штрафаў ДАІ і іншых», — гаворыцца ў паведамленні.
Негатыўна на рашэнне ўрада адрэагавалі і прадстаўнікі
У прыватнасці, 5 студзеня Рэспубліканская канфедэрацыя прадпрымальніцтва і Мінскі сталічны саюз прадпрымальнікаў і работадаўцаў адправілі на імя прэм’
Як зазначаецца ў лісце, «рашэнне было прынята без дастатковага эканамічнага абгрунтавання, без кансультацый з дзелавой супольнасцю (асацыяцыямі, саюзамі), што супярэчыць пункту 9.4 дырэктывы № 4».
На думку прадстаўнікоў дзелавых колаў, трохразовае павышэнне базавай стаўкі «адмоўна адаб’ецца не толькі на прадпрымальніках, але і на ўсім насельніцтве ў цэлым, паколькі памер базавай велічыні фігурыруе ў дзясятках нарматыўных актаў». Так, напрыклад, трохразовае павелічэнне стаўкі базавай велічыні аўтаматычна прывядзе да росту ў тры разы кошту арэнднай платы, таму што арэндныя плацяжы прывязаны да базавай. Гэта, у сваю чаргу, аўтаматычна пацягне за сабой павелічэнне кошту тавараў і паслуг, бо затраты лягуць на сабекошт.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары