Надзвычай моцныя снегапады не сціхаюць на захадзе Аўстрыі. Толькі за ноч на 9 студзеня ў федэральнай зямлі Форарльберг выпаў метр снегу. Пасля працяглых снегападаў цяпер там ляжаць гурбы вышынёй каля 5 м.
Магутныя снегапады ў заходняй частцы краіны павысілі небяспеку сходу лавін. У Альпах у раёне Ціроля і Арльберга ўжо некалькі дзён захоўваецца вельмі высокая, чацвёртая, ступень лавінанебяспекі па пяцібальнай шкале. Цяпер горныя схілы чысцяць
Паралізаваны рух на аўтамабільных дарогах і чыгунцы. У Ціролі да гэтага часу не ходзяць цягнікі паміж гарналыжнымі курортамі Оцталь і Блудэнц, а таксама паміж аўстрыйскай камунай Ройтэ і баварскім Гармішам. І аўтамабільныя дарогі, і чыгунка ў раёне Інсбрука, Ціроля і Зальцбурга заблакаваныя сумётамі і паваленымі дрэвамі, 30 тысяч турыстаў заблакаваныя ў гатэлях.
Між тым метэаролагі не абяцаюць змянення надвор’я ў лепшы бок: цыклон будзе панаваць як мінімум яшчэ некалькі бліжэйшых дзён.
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў3
Каментары