А дзе харчуецеся вы, і за колькі?
Філе селядца з зялёнай цыбуляй, салата «Белыя росы», суп рысавы з куранятамі, катлета рыбная «Апетытная», кураняты адварныя… Усё гэта супрацоўнікі Нацыянальнага банка маглі пакаштаваць сёння на абед.
У час абеду ў сталовай Нацбанка шматлюдна. Чарга з чалавек дваццаці займае палову невялікай утульнай залы ў падвальным памяшканні. Аб’ява на дзвярах папярэджвае, што з 14 лістапада 2011 г. да аплаты тут прымаюцца толькі карткі сістэмы «Белкарт».
Абедзеннае меню ў сталовай даволі шырокае.Дый цэны не кусаюцца. Напрыклад, згаданае вышэй філе селядца можна купіць за 2150 рублёў.
Порцыя салаты «Хвілінка» (бурак, салёны агурок і маянэз) абыдзецца ў 950 рублёў.Салата з свежых памідораў са смятанай і зялёнай цыбуляй каштуе ўжо 3050 рублёў. Салата з буракоў з разынкамі цягне ўсяго на 850 рублёў.
Боршч з бульбай і ялавічынай у меню Нацбанка заяўлены па кошце ў 1 950 рублёў за порцыю.Суп рысавы з куранятамі каштуе ўсяго 1 550 рублёў.
Катлета «Апетытная» з гарбушы абыходзіцца супрацоўніку Нацбанка ў 5400 рублёў.Порцыя плову з свініны каштуе ўжо 7400 рублёў. А вось тэфтэлі са свініны амаль у тры разы танней — 2750 рублёў.
Вельмі нізкія цэны на гарніры: порцыя бульбянога пюрэ каштуе 750 рублёў, тушаная морква ў смятане — 1200 рублёў, каша пшонка — 600 рублёў.
У якасці напояў супрацоўнікам галоўнага банка краіны прапануюць чай «Грынфілд» (зялёны — 1600 рублёў, чорны — 1100 рублёў). таматавы сок з мякаццю (2050 рублёў), яблычны сок (2050 рублёў), маркоўны нектар з мякаццю (1600 рублёў).
Адзначым, што любы чалавек у сталовую Нацбанка патрапіць не можа. Каб прайсці праз вахту, трэба прад’явіць пропуск.
А дзе харчуецеся вы, і за колькі?
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары