Прадпрымальнікі дабіліся таго, каб кошт арэнды не падаражэў утрая.
Базавая арэндная плата з улікам інфляцыі ў 2012 годзе складзе 54–55 тыс. рублёў, паведаміў старшыня Дзяржкаммаёмасці Георгій Кузняцоў.
«Формула простая.
У праекце ўказа напісана, што сёння яна (базавая арэндная плата) складае 35 тыс. рублёў, а па стане на 1 красавіка 2012 года да гэтай платы будзе ўводзіцца каэфіцыент інфляцыі», —сказаў кіраўнік Дзяржкаммаёмасці.
Паводле яго слоў, «на разгляд прэзідэнту ўносіўся праект указа аб унясенні змяненняў ва ўказ, які рэгламентуе стаўкі арэнднай платы». «Прэзідэнт напісаў рэзалюцыю, каб ён быў больш зразумелым, і сёння мы зноў уносім змяненні, каб ён [дакумент] быў адзіным цэлым. 23 лютага мы яго аддаем на ўзгадненне ва ўрад, а затым на падпісанне прэзідэнту», — патлумачыў Кузняцоў.
Паводле яго слоў, прапанавана ўнесці ў дакумент паняцці базавай арэнднай платы і каэфіцыента да яго. «Так, на 1 красавіка 2013 года ў арэндную плату будзе зноў „укручвацца“ каэфіцыент інфляцыі, і так будзе заўсёды», — адзначыў кіраўнік ведамства.
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»7
Каментары