ГУУС Мінгарвыканкама запускае ў твітары праект «Перахоп», скіраваны наанлайн-вышук злачынцаў.
Як паведамілі ў аддзеле інфармацыі і сувязяў з грамадскасцю ГУУС, сталічная міліцыя ні ў якім выпадку не просіць грамадзян самастойна затрымліваць злачынцаў. Ёй патрэбны «тайныя агенты»: убачыў злачынцу — паведаміў у твітары яго каардынаты і тым самым садзейнічаў злаўленню.
Схематычна рэалізацыя праекта выглядае так. Міліцыі становіцца вядома пра тое, што недзе ўчынена злачынства, а злачынца ўцёк. На сайце ГУУС з’яўляецца падрабязная інфармацыя пра гэта злачынства (дзе і што адбылося, прыкметы злачынцы), якая пачынаецца кодавым словам «Перахоп» з характэрнай іконкай. Затым гэта інфармацыя дублюецца ў твітар, і з гэтага моманту любы зарэгістраваны карыстальнік гэтай сеткі можа перадаваць звесткі акаўнту @GUVD_Minsk па ключавым слове (хэштэгу) #перахоп. Гэта можа быць тэкст, фатаграфія або нават відэазапіс. Уся аператыўна карысная інфармацыя, атрыманая ад грамадзян пры дапамозе твітара, будзе адразу ж перадавацца ў кампетэнтныя службы. Іх задача — вызначаць карыснасць і праўдзівасць інфармацыі і прымаць рашэнне пра тое, як рэагаваць на яе.
Як асноўная крыніца паведамлення карыснай інфармацыі твітар выбраны не выпадкова. Сёння гэта найбольш папулярны, даступны і распаўсюджаны сродак для зносінаў. Паведаміць інфармацыю праз твітар — справа некалькіх секунд.
-
Памада Марыі Калеснікавай і малакаадсос Марыны Ментусавай — топ экспанатаў з выставы пра змаганне беларусак
-
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою
-
У Брэсцкай вобласці ўжо пачаліся лясныя пажары
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою13
Каментары