Калінкіна: Вы, з яйцамі, чым людзей накорміце, калі Польшча мяса не прадасць?
А калі па прыкладзе амерыканцаў еўрапейцы яшчэ консульствы зачыняць?
Ёсць правераны метад рашэння праблем з сантэхнікамі, будаўнікамі, слесарамі і нават са злосным суседам — зрабіць зверскі твар і пакрычаць матам.
У некаторых выпадках дапамагае, выцвярэжвае, ставіць на месца. Але не ва ўсіх. Не магу пазбавіцца ад адчування, што менавіта гэты метад выкарыстала ў аўторак беларуская дыпламатыя.
Адправілі з Мінска для кансультацый амбасадара Польшчы і кіраўніка прадстаўніцтва Еўрасаюза, адклікалі дадому сваіх дыппрадстаўнікоў ў Варшаве і Брусэлі. І што далей? Ну,
не бачу я, якімі спосабамі Беларусь можа націснуць на Еўрасаюз.Яшчэ пару месяцаў таму тэарэтычна мы маглі ім балюча адказаць на зладзейскія падкопы і, напрыклад, сярод зімы пачаць рамантаваць газавую трубу. Цяпер не можам.
Нафтапрадукты ім не прадамо — страцім паўбюджэту.Не купім у Польшчы мяса — не будзе чым карміць беларусаў і прыйдзецца здымаць з расійскага напрамку экспартныя беларускія сасіскі. Закрыем мяжу для еўрапейцаў — медным тазам накрыецца ўвесь
Вось цяпер паспрабавалі вырашыць праблему, зрабіўшы зверскі твар і пакрычаўшы матам.
А калі не спалохаюцца? Калі такім жа будзе адказ?Зараз усе паслы ЕС павінны з’ехаць з Мінска знак салідарнасці. А калі яшчэ па прыкладзе амбасады ЗША консульства зачыняць? Лямантуйце, сябры, у пустэчу і разглядайце свае зверскія твары ў люстэрка! І яшчэ абавязкова санкцыі ўвядуць супраць беларускіх бізнэсмэнаў, на якія пакуль не рашаліся.
Я думаю, Лукашэнка зараз будзе ўважліва глядзець, хто задрыжыць і ці задрыжыць.А таксама, наколькі актыўна родная апазіцыя зойдзецца ў крыку: «Гэтага дапусціць нельга, не аддавайце нас на разарванне Расіі!» Калі ўсе захаваюць спакой і стрыманасць:
сам заблытаў — сам хай і разблытваецца,то праблема да эскалацыі не дойдзе. Бо няма чым Беларусі на Еўропу націснуць, а вось ёй адказаць ёсць чым.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы3
Каментары