Яго трымалі ў карцары, а цяпер забаранілі атрымаць перадачу.
Чарговае парушэнне Мікола нібыта здзейсніў падчас знаходжання ў ШІЗА (з 12 да 17 сакавіка). Яно было ў тым, што ён нібыта дрэнна прыбіраў памяшканне карцара. За гэты яго ў чарговы раз пазбавілі наступнай перадачы, якая была запранаваная на май. Цяпер бліжэйшая перадача мае быць толькі восенню.
Нагадаем, што Мікалаю Дзядку належыць 4 прадуктовыя перадачы на год па 30 кг кожная. Адну перадачу яму ўжо не дазволілі перадаць у кастрычніку. Цяпер яму дазволена купляць прадукты і прадметы гігіены на 35 000 у месяц. Дарэчы, апошні раз зняволеныя ПК-15 ядуць у 17.00.
27 мая 2011 года Дзядка асудзілі па справе анархістаў разам з Ігарам Аліневічам і Аляксандрам Францкевічам. Іх абвінавацілі ў арганізацыі антымілітарысцкага шэсця каля будынка Мінабароны, нападзе на казіно «Шангры Ла» і ізалятар на Акрэсціна, падпале дзвярэй філіяла «Беларусбанка», нападзе на расійскае пасольства.
Дзядок атрымаў 4,5 года пазбаўлення волі ў калоніі ўзмоцненага рэжыму. Адбывае пакаранне ў Магілёўскай калоніі № 15. За кратамі ажаніўся.
Цяпер чытаюць
Мігранцкі крызіс, арганізаваны Лукашэнкам, — усё? Вось што паказваюць лічбы2
Каментары