Пра гэта паведаміла Радыё Свабода.
Працэс па ўзмацненні нагляду для былога палітвязня Паўла Вінаградава меўся пачацца сёння раніцай у судзе Маскоўскага раёна Мінска. Падставамі для гэтага лічацца неаднаразовыя парушэнні Кодэксу аб адміністратыўных праваапарушэннях з моманту ягонай амністыі 14 верасня 2011 года. Толькі ў апошні час яго некалькі разоў затрымлівалі нібыта за брыдкаслоўе і прысуджалі да адміністратыўных арыштаў. Сёлета ён адбыў у Цэнтры ізаляцыі правапарушальнікаў на Акрэсціна 25 сутак.
Калі прэвентыўны нагляд будзе ўзмоцнены, Павел Вінаградаў згодна зКрымінальна-выканаўчым кодэксам Беларусі будзе абавязаны:
з’яўляцца па выкліках у органы ўнутраных спраў і даваць тлумачэнні па пытаннях выканання патрабаванняў прэвентыўнага нагляду;
папярэджваць орган унутраных спраў аб змене месцаў працы і жыхарства;
выязджаць за межы раёна (горада) толькі са згоды органа ўнутраных спраў.
Прэвентыўны нагляд прадугледжвае таксама абмежаванні па часе знаходжання за межамі жылля, а таксама забарону на наведванне вызначаных масавых мерапрыемстваў ды іншыя абмежаванні.
Нагадаем, што 15 сакавіка ў судзе Перашамайскага раёна Мінска прайшло судовае пасяджэнне, па выніках якога быў усталяваны прэвентыўны нагляд тэрмінам на 1 год за былым палітвязнем Уладзімірам Яроменкам.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3737
Каментары