Міжнародны валютны фонд прагназуе рост ВУП Беларусі ў межах 3% у 2012 годзе ў параўнанні з ростам на 5,3% у 2011 годзе. Пра гэта гаворыцца ў абноўленым дакладзе фонду «Перспектывы развіцця сусветнай эканомікі» (World Economic Outlook).
Паводле прагнозу экспертаў МВФ, у 2013 годзе ВУП Беларусі вырасце на 3,3%, а ў 2017 годзе — на 5,0%.
Між тым, паводле афіцыйнага прагнозу ўлад Беларусі, ужо ў 2012 годзе ВУП павінен павялічыцца на 5,0–5,5%.
МВФ таксама чакае, што сёлета рост цэн у Беларусі запаволіцца да 38,4% пасля гіперінфляцыі на ўзроўні 108,7% у 2011 годзе. У 2013 годзе інфляцыя экспертамі фонду прагназуецца на ўзроўні 27,5%.
Паводле афіцыйнага прагнозу беларускага ўрада, рост цэн у 2012 годзе не перавысіць 19–22%.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»7
Каментары