77-гадовая доктарка з Гомеля пакараная пазбаўленнем волі за атрыманне хабару
Суд Навабеліцкага раёна Гомеля 18 мая вынес прыгавор 77-гадоваму ўрачу-неўролагу гарадской паліклінікі № 1.У гэтай лячэбнай установе адбылося выязное пасяджэнне суда. Жанчына прызнаная вінаватай у атрыманні хабару, незаконнага ўзнагароджання і службовым падлогу.
Як паведаміў дзяржаўны абвінаваўца Аляксей Скараход,
доктарка пакараная трыма гадамі пазбаўлення волі з канфіскацыяй маёмасці з адтэрміноўкай прыгавору на два гады.
На выязное пасяджэнне былі запрошаныя работнікі паліклінікі, а таксама намеснік начальніка ўпраўлення аховы здароўя Гомельскага аблвыканкама. Па ініцыятыве пракуратуры выязное пасяджэнне праводзіцца з мэтай прафілактыкі злачынстваў.
За два гады ўрач атрымала незаконны даход у памеры 1 мільёна 235 тысяч рублёў. У матэрыялах справы 31 эпізод.Урач поўнасцю прызнала сваю віну і раскаялася ў тым, што афармляла лісты часовай непрацаздольнасці за хабар.
Адзін дзень нявыхаду на працу яна ацэньвала ў 12-15 тысяч рублёў.Здаровыя людзі, якія пажадалі атрымаць бальнічны, не з'яўляліся на прыём да неўролага асабіста, а прасілі пра паслугу медсястру паліклінікі, ёй жа перадавалі грошы.
У дачыненні да медсястры крымінальная справа не распачыналася, яна напісала яўку з пакаяннем. Сама абвінавачаная ўрач на судзе патлумачыла, што ішла на злачынствы з-за цяжкага матэрыяльнага становішча.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца5
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары