Польшча хоча пазбавіць Сяргея Марцалева віду на жыхарства
Кіраўнік выбарчага штаба Мікалая Статкевіча асуджаны за Плошчу-2010 на два гады ўмоўна.
Польскія ўлады распачалі працэдуру пазбаўленьня віду на сталае жыхарства былога кіраўніка перадвыбарчага штабу Міколы Статкевіча Сяргея Марцалева. Малады палітык атрымаў такое права яшчэ ў 2007 годзе.
Вось што кажа Сяргей Марцалеў:
«Працэс пазбаўленьня мяне віду на жыхарства яшчэ не завершаны, ён працягваецца. Але фармальна ў мяне амаль не засталося часу.Зараз я прызначаю ўпаўнаважанага, паколькі сам, будучы ўмоўна асуджаны, выехаць не магу. Буду пісаць апэляцыю да вышэйшых інстанцыяў, а потым падам у суд. Мне зусім незразумелыя і падставы такога рашэньня, што мяне пазбаўляюць віду на жыхарства. Чаму? Пакуль у мяне ня будзе ўпаўнаважанага, я не змагу ягонымі вачыма зазірнуць у тую тэчку — што ж яны прыдумалі? У паперы, на якую яны спасылаюцца, няма падрабязнасьцяў. Напісана, што на падставе артыкула 68 закону аб замежніках Рэспублікі Польшча ад 13 чэрвеня. Больш інспэктар праз тэлефон мне ніякай інфармацыі не паведаміла. Сказала толькі, што мой упаўнаважаны гэта зможа паглядзець і я змагу даць тлумачэньне.
Падчас прэзыдэнцкай выбарчай кампаніі 2010 году Сяргей Марцалеў кіраваў перадвыбарчым штабам Міколы Статкевіча. 23 сьнежня быў зьняты зь цягніка, на якім ехаў у Варшаву. Спачатку абвінавачваўся ў арганізацыі масавых беспарадкаў.
Асуджаны судом Заводзкага раёну Менску на 2 гады пазбаўленьня волі ўмоўна за арганізацыю дзеяньняў, якія груба парушаюць грамадзкі парадак.
Самога Статкевіча пасадзілі ў турму.
Арт. 67 польскага Закону пра іншаземцаў прадугледжвае, што іншаземцу адмаўляюць у наданні віду на жыхарства, калі ён не спаўняе ўмоваў, сфармуляваных у іншых артыкулах, або калі таго вымагаюць патрэбы нацыянальнай бяспекі.
-
«Я адразу закахалася ў ягоныя вочы». Жонка-украінка і сябар расказваюць пра загінулага беларускага добраахвотніка Васіля «Дзіра» Рапіцкага
-
Качанава абмеркавала са спікерам парламента Азербайжана сітуацыю на Блізкім Усходзе і ўдар па Нахічэвані
-
29‑гадовую мадэль і псіхолага з Гомеля асудзілі за палітыку. Меркавана, за Гаюна
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads7
Каментары