Чатыры футбольныя клубы дыскваліфікаваныя за фантастычныя дагаварнякі.
Унікальны прыклад усемагутнасці чалавечай волі прадэманстравалі румынскія футбалісты.
Пакуль на палях Польшчы і Украіны вызначаецца найлепшая зборная Еўропы, у Румыніі ідзе лютая барацьба за званне найлепшай каманды
Перад апошнім турам, за траплянне ў фінал
На апошні матч супраць каманды «Чыслау» гульцы «Пуэшці» выйшлі з вялікім настроем, каб разграміць суперніка, пераадолець вялікую розніцу мячоў «Воінцы» і забяспечыць пуцёўку наверх.
«Пуэшці» мокрага месца не пакінуў ад суперніка, выйграўшы з лікам 36:2!
Але феномен магутнай сілы выявіўся не толькі ў гэтай гульні, але і ў паралельнай. Гульцы «Воінцы» таксама выйшлі з настроем, як на фінал Лігі чэмпіёнаў.
У сваім матчы яны разграмілі «Лучыю» з лікам 33:1, што дазволіла ім захаваць перавагу ў розніцы мячоў і атрымаць запаветную пуцёўку ў чацвёрты дывізіён.
На жаль, згуляць ім там не атрымаецца. Федэрацыя футбола Румыніі прызнала гэтыя два матчы «дзіўнымі», кажучы прасцей — дамоўнымі.
Усе чатыры ўдзельнікі былі дыскваліфікаваныя, а пуцёўку ўплэй-оф атрымала каманда «Уніра Сталу».
Каментары