Месяц вучобы ў БДУ будзе каштаваць больш за мільён
Шэраг беларускіх ВНУ абнародаваў новы кошт навучання.
Шэраг беларускіх ВНУ абнародаваў новы кошт навучання.
Паводле інфармацыі, размешчанай на афіцыйным сайце Беларускага дзяржаўнага ўніверсітэта, кошт навучання на дзённай форме за год з 1 чэрвеня складае ад 9 млн. 335 тыс. 700 рублёў да 12 млн. 486 тыс. 900 рублёў; на завочнай — ад 3 млн. 926 тыс. 500 да 6 млн. 452 тыс. 700 рублёў.
На афіцыйным сайце Беларускага дзяржаўнага педагагічнага ўніверсітэта імя Максіма Танка паведамляецца, што з 1 чэрвеня кошт навучання на дзённай форме складае ад 6 млн. 454 тыс. 800 да 9 млн. 498 тыс. 900 рублёў; на завочнай — ад 1 млн. 875 тыс. 800 да 3 млн. 774 тыс. 300 рублёў.
Сайт Беларускага дзяржаўнага ўніверсітэта інфарматыкі і радыёэлектронікі інфармуе, што кошт навучання з 1 чэрвеня на дзённай форме складае ад 8 млн. 125 тыс. да 10 млн. 155 тыс. рублёў; на завочнай — ад 3 млн. 650 тыс. да 4 млн. 85 тыс.; на вячэрняй — 6 млн. 615 тыс. рублёў.
Паводле інфармацыі, размешчанай на афіцыйным сайце Беларускай дзяржаўнай акадэміі мастацтваў, з 1 чэрвеня кошт навучання на дзённай форме складае ад 8 млн. 800 тыс. рублёў да 15 млн. 120 тыс. рублёў; на завочнай — ад 3 млн. 255 тыс. да 5 млн. 10 тыс. рублёў.
Паведамленне аб павышэнні кошту навучання з 1 чэрвеня таксама размешчана на афіцыйным сайце Беларускага нацыянальнага тэхнічнага ўніверсітэта.
Нагадаем, на мінулым тыдні стала вядома, што з 1 чэрвеня па прапанове Міністэрства адукацыі на 5% павялічаны кошт навучання ў ВНУ і ССНУ. Гэта звязана з павышэннем тарыфнай стаўкі першага разраду. У гэтым навучальным годзе кошт навучання ў ВНУ і ССНУ ўжо павялічваўся тры разы: 1 верасня 2011 года — прыкладна на 20%, у кастрычніку—лістападзе 2011 года — на 25%, 1 лютага — на 29%.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў34
Каментары