Улады Кіпра абвясцілі пра намер запытаць у Еўрасаюза фінансавую дапамогу. У першую чаргу дадатковыя ўліванні неабходныя кіпрскім банкам, якія традыцыйна маюць цесныя сувязі з Грэцыяй.
Інфармацыя пра тое, што Кіпр можа стаць пятай па ліку краінай еўразоны, якая не здолела самастойна даць рады крызісу, выклікала нервовасць на фінансавых рынках.
У Грэцыі, Італіі і Іспаніі біржавыя індэксы рэзка ўпалі.
Незадоўга да гэтага агенцтва Fitch знізіла крэдытны рэйтынг Кіпра да «смеццевага».
Гэта азначае, што цяпер самастойныя высілкі ўрада Кіпра па прыцягненні дадатковага фінансавання за мяжой наўрад ці будуць паспяховыя.
Паводле ацэнак Fitch, для выратавання кіпрскіх банкаў неабходна 4 млрд еўра, што складае амаль чвэрць ВУП краіны.
Як пасля канца свету. Аграсядзібу ў Салігорскім раёне занесла зямлёй3
Каментары