Аляксандр Лукашэнка ўзнагародзіў былога міністра замежных спраў Сяргея Мартынава ордэнам Айчыны III ступені за шматгадовую працу ў галіне знешняй палітыкі, плённую дзейнасць па развіцці міжнародных адносін, умацаванні аўтарытэту Рэспублікі Беларусь на міжнароднай арэне. Адпаведны ўказ Лукашэнка падпісаў 20 жніўня, — паведамляе БелТА.
Нагадаем, што ўчора Сяргей Мартынаў быў адпраўлены ў адстаўку, новым міністрам замежных спраў прызначаны Уладзімір Макей.
Нагадаем, што аналагічнымі ордэнамі Айчыны III ступені Лукашэнка ўзнагародзіў алімпійскага чэмпіёна, стралка Сяргея Мартынава і плыўчыху Аляксандру Герасіменю за бліскучыя выступы на XXX летніх Алімпійскіх гульнях у Лондане.
Сяргею Мартынаву-стралку не было роўных у спаборніцтвах майстроў стральбы з малакалібернай вінтоўкі лежачы на 50 м. Герасіменя ж заваявала два срэбныя медалі ў плаванні вольным стылем.
-
«Белавія» адмяніла рэйс у Тэль-Авіў. А ў Доху адправяць пусты самалёт, які забярэ беларускіх турыстаў
-
Руку мінчанкі зацягнула ў цестараскатвалку: вызваляць жанчыну давялося з дапамогай бензарэза
-
Замест штрафу за самагон — крымінальная справа: на Случчыне жанчына распіхала хабар па кішэнях участковым пакуль яе здымалі на камеру
Каментары