Аркестр, паказы юнацкай моды, спартоўцы і мастакі. У Мінску праходзіць гарадскі форум педагогаў.
Раніца, Кастрычніцкая плошча, участак з боку Мінаблвыканкама. Аркестр у маршавым тэмпе выконвае песню «Радзіма мая дарагая». З ім спрачаецца невялічкі калектыў з цымбаламі і гармонікам — ён прапануе слухачам і гледачам «Купалінку».
Побач на гіганцкім маце дэманструюць сваё майстэрства юныя каратысты. Дзясяткі дзяўчатак-чырлідараў танчаць вакол імправізаваных спратыўных пляцовак.
З гіганцкіх прыступак спускаюцца чародкі мадэляў, якія дэманструюць узоры моладзевай моды. Юныя мастакі з цяжкасцю ўтрымліваюць мальберты — сёння з раніцы вецер разгуляўся не на жарт.
Саламяныя зубры і ласі, рыцары на конях, ваўняныя вярблюды і мядзведзі — сваё ўмельства дэманструюць цэнтры дзіцячай творчасці. А паміж імправізаванымі святочнымі пляцоўкамі ходзяць чыноўніцкага выгляду мужчыны і жанчыны, сярод іх міністр адукацыі Cяргей Маскевіч у атачэнні кіраўнікоў горада — 24 жніўня ў Мінску праходзіць гарадскі форум педагогаў.
У натоўпе вылучаюцца славенскія спартоўцы, удзельнікі ХХХ Сусветнага чэмпіянату лесарубаў, што гэтымі днямі праходзіць у Раўбічах. Многія зацікаўлена азіраюцца на іх гаворку. Зрэшты, падобную рэакцыю ў многіх выклікае і беларуская мова.
Вулічная частка праграмы падобных семінараў ладзіцца ў карнавальным стылі не першы раз. Летась нарада педактыву ў Мінску праходзіла з яшчэ большым размахам.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна6
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары