27 жніўня пазбавілі рэгістрацыі кандыдатам у дэпутаты палаты прадстаўнікоў галоўнага рэдактара недзяржаўнай газэты «Барысаўскія навіны» Анатоля Букаса.
Ён меўся балвтавацца па Барысаўскай гарадской выбарчай акрузе №62.
«Гэта было прадказальна, — заявіў Анатоль Букас. — Я ўдзельнічаю ў парламенцкіх выбарах ужо восьмы раз, і толькі двойчы акруговая камісія рэгістравала кандыдатам непасрэдна, а ўсялякі іншы раз — толькі пасля патрабавання Цэнтравыбаркама», — заявіў Анатоль Букас.
Як паведамляе выбарчая камісія Барысаўскай гарадской выбарчай акругі №62, Анатоль Букас «не ўказаў звесткі, што ў 2011 годзе прадаў уласны аўтамабіль. Таму члены камісіі аднагалосна прагаласавалі за пазбаўленне рэгістрацыі кандыдата Анатоля Букаса».
Такім чынам, па Барысаўскай выбарчай акрузе №62 засталіся два кандыдаты — кіраўніца справамі Барысаўскага райвыканкама Тамара Красоўская і намеснік старшыні АГП Леў Марголін. Апошні мае намер зняць сваю кандыдатуру за тыдзень да выбараў. У такім разе чыноўніцы Красоўскай альтэрнатывы не будзе.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары