Грузавік зачапіў веласіпед за багажнік.
У Пружанах веласіпедыст загінуў пад коламі грузавіка.
Як паведаміла начальнік аддзялення па агітацыі і прапагандзе ДАІ УУС Брэсцкага аблвыканкама Наталля Сахарчук, гэта адбылося каля трох гадзін дня 20 верасня на вуліцы Макаранкі.
Жыхар Слоніма 1952 года нараджэння, кіруючы гружаным «МАЗам» з прычэпам, учыніў наезд на свайго аднагодка, які выехаў на праезную частку на веласіпедзе. Ад атрыманых траўмаў той памёр на месцы. Загінулы жыў у Пружанах.
«Паводле папярэдніх звестак, веласіпедыст пераязджаў праезную частку. Грузавік зачапіў веласіпед за багажнік. Мужчына, які ехаў на ім, упаў і ўдарыўся галавой аб асфальт», —дапоўніла Сахарчук.
Распачата справа на падставе ч. 2 арт. 317 Крымінальнага кодэкса (парушэнне правілаў дарожнага руху або эксплуатацыі транспартных сродкаў, у выніку чаго мела месца па неасцярожнасці смерць чалавека).
З пачатку года на дарогах Брэсцкай вобласці з удзелам веласіпедыстаў адбылося 46 ДТЗ, у якіх 15 чалавек загінулі і 31 атрымаў траўмы рознай ступені цяжару. У параўнанні з аналагічным перыядам 2011 года гэта на 28 ДТЗ, на аднаго загінулага і на 30 параненых менш.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары