Мінулыя парламенцкія выбары былі найменш канфліктнымі ў гісторыі суверэннай Беларусі. Аб гэтым у эфіры праграмы «Контуры» на тэлеканале АНТ 30 верасня заявіла старшыня ЦВК Лідзія Ярмошына.
Кіраўнік ЦВК задаволена вынікамі выбарчай кампаніі: «Гэта, напэўна, нават самыя простыя парламенцкія выбары за ўвесь той перыяд, калі я працую старшынёй». Як правіла, выбранне дэпутатаў парламента з’яўляецца самым канфліктным, і палітычнае напружанне пасля гэтага значна больш цяжкае, чым пасля ўсіх іншых выбарчых кампаній, сказала яна. Паступае шмат скаргаў, адзначаюцца спрэчкі, складаныя ўзаемаадносіны паміж кандыдатамі і акруговымі выбарчымі камісіямі. Па выніках праведзеных выбараў такіх сітуацый узнікала значна менш, спакойнай і малаканфліктнай можна назваць і апеляцыйную кампанію.
«Ці то кандыдаты былі інертныя, ці то нашы выбарчыя камісіі працавалі лепш, чым звычайна. Ці то сапраўды дапамаглі тыя змяненні выбарчага заканадаўства, якія ўступілі ў сілу два гады таму», — растлумачыла Лідзія Ярмошына.
Разам з тым, на яе думку, прэтэндэнты на дэпутацкі фатэль мала працавалі з выбаршчыкамі, у сувязі з чым паступалі заявы ад грамадзян на недастатковую колькасць інфармацыі пра кандыдатаў.
У цэлым, лічыць Лідзія Ярмошына, новаўвядзенні на цяперашніх парламенцкіх выбарах (правядзенне дэбатаў, заяўны прынцып правядзення перадвыбарнай агітацыі, бюджэтныя ўліванні і інш.) сябе апраўдалі, хоць былі і збоі.
Гаворачы аб тым, наколькі аб’ектыўныя і незалежныя ацэнкі наглядальнікаў па выніках выбараў, Лідзія Ярмошына адзначыла, што яны залежаць ад тых задач, якія ставяцца перад місіяй. Пэўным крокам насустрач з боку місіі АБСЕ яна назвала прызнанне выбараў адпаведнымі нацыянальнаму заканадаўству.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары