Падазраванаму ў разбойным нападзе 10 кастрычніка на аддзяленне ААТ «ААБ «Беларусбанк» на вуліцы Шпалернай у Мінску Цэнтральным раённым аддзелам Следчага камітэта прад’яўлена абвінавачанне паводле часткі 2 артыкула 207 Крымінальнага кодэкса (разбой, учынены з мэтай завалодання маёмасцю ў буйным памеры).Пра гэта паведамілі ў аддзеле інфармацыі і сувязі з грамадскасцю СК.
Падчас папярэдняга следства дапытаны сведкі, прызначаны комплекс экспертных даследаванняў, праведзены вобыск па месцы жыхарства абвінавачванага, накладзены арышт на яго маёмасць. Частка скрадзенага канфіскавана. Пры правядзенні працэдуры апазнання шэраг сведак і пацярпелая з упэўненасцю ўказалі на затрыманага. Цяпер ён знаходзіцца пад вартай.
Нагадаем, 10 кастрычніка ў 14.08 на пульт цэнтралізаванага назірання цэнтральнага аддзела дэпартамента аховы МУС з аддзялення № 510/12 ААБ «Беларусбанк» паступіў сігнал «Трывога».Супрацоўнікамі міліцыі, якія прыбылі на месца здарэння, было ўстаноўлена, што прыкладна ў 14.00 невядомы злачынца, пагражаючы нажом, учыніў разбойны напад на работнікаў банка і, завалодаўшы 8,5 млн. беларускіх рублёў, 12 тыс. расійскіх рублёў, 2.060 доларамі ЗША і 475 еўра, уцёк.
Па падазрэнні ва ўчыненні злачынства быў затрыманы грамадзянін Грузіі 1973 года нараджэння, які мае часовую рэгістрацыю ў Мінску.
Цяпер чытаюць
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары