Паштовая скрынка
Андрэю Д. з Варшавы. Усё ж Вашага водгуку на зьвесткі з правапісных нарадаў вырашылі не друкаваць. У газэце ён прагучаў бы зьвягліва ды нешляхетна. Перадаем яго ўдзельнікам нарады беспасярэдна.
Паўлу Б. з Полацку. Ліст эмацыйны і, відаць, справядлівы. Аднак зь яго цяжка зразумець, чым менавіта кепскі новы помнік Эўфрасіньні. Ня ўсе чытачы “НН” былі ў Полацку, ня ўсе ведаюць полацкую тапаграфію. Калі хочаце, каб Ваш допіс быў надрукаваны, мусіце дэталізаваць яго.
Л.С. зь Менску. Самі падпісаліся крыптонімам, а прозьвішча настаўніцы падаяце. Мы ня можам праверыць, ці Вы слушна чалавека крытыкуеце. Каб Вы падалі адрас яе школы, дык мы б Ваш ліст ёй пераслалі – яна, даў бы Бог, і прыслухалася да заўваг. А ў газэце друкаваць – дык замала мастацкасьці. Беларускую ж бяду Вы добра пабачылі, толькі ня ведаеце, як назваць – няма этыкі працы.
Ганьне М. з Койданава. Гэта не фэльетон у звыклым разуменьні гэтага слова, дык і не газэтны тэкст.
Зьмітру зь Менску. У сваіх думках пра нацыянальны характар уніяцкае царквы Вы не арыгінальныя.
Вітню Ч. Шмат для сябе цікавага адкрыеце, калі падпішацеся на электронную рассылку дыскусійнае групы «Мовазнаўства» ў Інтэрнэце. Каб падпісацца, проста дашлеце ліст на адрас [email protected]. Можаце распытаць таксама арганізатара дыскусіі праз адрас [email protected].
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Адданага ябацьку, які абражаў Святлану Ціханоўскую ў Threads, кінулі за краты
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1414
Каментары