11 траўня ў «НН» (№17) быў надрукаваны адказ на ліст чытача пад назовам «У прафсаюз — толькі зь пісьмовай згоды працаўніка». Наш чытач паведамляў, што на ягоным прадпрыемстве адбываўся дабраахвотна‑прымусовы запіс ў афіцыйны прафсаюз. Нязгодным пагражалі, што пасьля 1 траўня пазбавяць ільготаў і надбавак. «НН» зьмясьціла камэнтар першага намесьніка міністра працы і сацыяльнай абароны А.Коласа, які датычыў акурат правоў працаўнікоў, якія не зьяўляюцца сябрамі афіцыйнага прафсаюзу.
Цяпер Рэдакцыя атрымала ліст з падзякамі чытача. У лісьце паведамляецца, што ён і яго калега дамагліся свайго — ад 1 траўня на іх распаўсюджваюцца ўмовы калектыўнай дамовы і яны маюць права на ўсе льготы і надбаўкі бяз «членства» ў афіцыйным прафсаюзе.
0
0
0
0
0
0
