Kanakrad ź Biełarusi nakraŭ u Rasii žyvioły na 6 kryminalnych spravaŭ
Supracoŭniki rasijskaj palicyi doŭha nie mahli znajści złamyśnika, jaki kraŭ bujnuju rahatuju žyviołu i koniej u Mardovii.Adnak u listapadzie pa atrymanych źviestkach i infarmacyi ad śviedak palicyjanty vyjšli na śled mužčyny 1959 hoda naradžeńnia, uradženca Biełarusi, pastajannym miescam žycharstva jakoha jość nasieleny punkt u Razanskaj vobłaści.
4 śniežnia palicyjaj Mardovii jon byŭ zatrymany ŭ Razanskaj vobłaści.
Žyvioł jon advodziŭ z pryvatnych padvorkaŭ i zahonaŭ sielhaspradpryjemstvaŭ.U noč na 6 červienia ŭ vioscy Pakroŭskija Vysiełki byŭ skradzieny žarabiec, jaki byŭ acenieny ŭ 22 tys. rasijskich rubloŭ (6 młn biełaruskich), i ŭ hetuju ž noč złamyśnik ździejśniŭ kradziež jašče adnaho kania ź inšaj vioski. Na hetaj žyviolinie ažyćciaŭlałasia pieravozka małaka haspadarki.
Anałahičny vypadak adbyŭsia 20 kastryčnika ŭ vioscy Vialiki Šustroj. Ź dźviuch pryvatnych haspadarak źnikli dvoje koniej, košt kožnaha acanili ŭ 60 i 70 tys. rubloŭ (16 młn 500 tys. i 19 młn 250 tys. biełaruskich rubloŭ). Niekalki paźniej, 10 listapada ŭ vioscy Sava z pryvatnaha padvorka źnikli dźvie karovy.
Žyvioł jon zbyvaŭ u Razanskaj vobłaści.
Padazravany pryznaŭsia ŭ zroblenym. Zaviedziena 6 kryminalnych spraŭ.
Kamientary