Praciŭniki miljardera Donalda Trampa ź liku jaho adnapartyjcaŭ nie zmahli damahčysia źmieny praviłaŭ hałasavańnia na źjeździe Respublikanskaj partyi, kab pieraškodzić jaho vyłučeńniu kandydatam u prezidenty ZŠA.
U paniadziełak u Kliŭlendzie adkryŭsia čatyrochdzionny źjezd partyi, na jakim respublikancy pavinny vyznačycca sa svaim kandydatam na listapadaŭskich vybarach prezidenta.
Šmat u čym heta farmalny praces, pakolki Tramp zaručyŭsia padtrymkaj respublikancaŭ u bolšaści štataŭ, a značyć, i bolšaściu hałasoŭ delehataŭ źjezda, pakolki jany, u adpaviednaści z praviłami, pavinny padtrymać taho kandydata, za jakoha prahałasavali žychary pradstaŭlenaha imi štata.
Mienavita heta pałažeńnie pasprabavali asprečyć praciŭniki Trampa ŭ partyi, jakija vynieśli na hałasavańnie kamiteta pa praviłach papraŭku, jakaja dazvalaje delehatam źjezda hałasavać za taho kandydata, za jakoha im zachočacca, nie aryjentujučysia na mierkavańnie vybarščykaŭ.
Pieršapačatkova adpaviednaha pierahladu praviłaŭ damahalisia dzieviać štataŭ (pry nieabchodnych siami), adnak u apošni momant štabu Trampa ŭdałosia ŭhavaryć pradstaŭnikoŭ troch štataŭ dać zadni chod. U vyniku pytańnie było źniata z paradku dnia.
U źjeździe biaruć udzieł 50 tys. delehataŭ.
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary