Праціўнікі мільярдэра Дональда Трампа з ліку яго аднапартыйцаў не змаглі дамагчыся змены правілаў галасавання на з'ездзе Рэспубліканскай партыі, каб перашкодзіць яго вылучэнню кандыдатам у прэзідэнты ЗША.
У панядзелак у Кліўлендзе адкрыўся чатырохдзённы з'езд партыі, на якім рэспубліканцы павінны вызначыцца са сваім кандыдатам на лістападаўскіх выбарах прэзідэнта.
Шмат у чым гэта фармальны працэс, паколькі Трамп заручыўся падтрымкай рэспубліканцаў у большасці штатаў, а значыць, і большасцю галасоў дэлегатаў з'езда, паколькі яны, у адпаведнасці з правіламі, павінны падтрымаць таго кандыдата, за якога прагаласавалі жыхары прадстаўленага імі штата.
Менавіта гэта палажэнне паспрабавалі аспрэчыць праціўнікі Трампа ў партыі, якія вынеслі на галасаванне камітэта па правілах папраўку, якая дазваляе дэлегатам з'езда галасаваць за таго кандыдата, за якога ім захочацца, не арыентуючыся на меркаванне выбаршчыкаў.
Першапачаткова адпаведнага перагляду правілаў дамагаліся дзевяць штатаў (пры неабходных сямі), аднак у апошні момант штабу Трампа ўдалося ўгаварыць прадстаўнікоў трох штатаў даць задні ход. У выніку пытанне было знята з парадку дня.
У з'ездзе бяруць удзел 50 тыс. дэлегатаў.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга1
Каментары