Pradstaŭnik VMF Arhienciny zajaviŭ u čaćvier, što prykładna ŭ 30 km ad apošniaha viadomaha miescaznachodžańnia arhiencinskaj padłodki «San-Chuan» 15 listapada byŭ zafiksavany huk «padobny da vybuchu», paviedamlaje BBC.
Infarmacyja była pieradadzienaja Arhiencinie ŭ čaćvier mižnarodnaj arhanizacyjaj CTBTO, jakaja adsočvaje mocnyja vybuchi pa ŭsim śviecie z metaju niedapuščeńnia niezaŭvažanych jadziernych vyprabavańniaŭ.
Dźvie hidraakustyčnyja stancyi arhanizacyi zafiksavali kala arhiencinskaha ŭźbiarežža «padvodnaje impulsavaje zdareńnie». Pavodle słovaŭ pradstaŭnika arhiencinskaha fłota, «isnujuć dźvie niezaležnyja krynicy, jakija kažuć adno i toje ž».
Ekipaž zahinułaj arhiencinskaj dyziel-elektryčnaj submaryny «San-Chuan» składajecca z 44 marakoŭ. Pavodle padlikaŭ śpiecyjalistaŭ, šancy znajści ich žyvymi źmienšvajucca z kožnaj hadzinaj, kali łodka znachodzicca pad vadoj. Zapasy kisłarodu na joj užo pavinny byli skončycca.
Submaryna «San-Chuan» pierastała vychodzić na suviaź 15 listapada. Jaje pošuki viaducca ŭ paŭdniovaj Atłantycy, na adlehłaści da tysiačy kiłamietraŭ ad uźbiarežža krainy. Dapamohu ŭ pošukavaj apieracyi Arhiencinie akazvajuć 13 krain, u tym liku ZŠA, Brazilija, Vialikabrytanija i Čyli. U pošukach zadziejničany 4 tys. čałaviek i kala 30 samalotaŭ i sudoŭ.
-
ZŠA rychtujuć novyja sankcyi suprać rasijskaj nafty, kali Rasija adchilić mirnaje pahadnieńnie
-
Daradčyca Trampa acharaktaryzavała jaho jak pomślivuju asobu z charaktaram ałkaholika, a Maska — jak kietaminščyka
-
Śpikier Siejma Litvy dapuściŭ źmianieńnie adnosin ź Biełaruśsiu: adny tolki sankcyi dajuć vynik, ale nie kančatkovy
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ150
Kamientary