Прадстаўнік ВМФ Аргенціны заявіў у чацвер, што прыкладна ў 30 км ад апошняга вядомага месцазнаходжання аргенцінскай падлодкі «Сан-Хуан» 15 лістапада быў зафіксаваны гук «падобны да выбуху», паведамляе BBC.
Інфармацыя была перададзеная Аргенціне ў чацвер міжнароднай арганізацыяй CTBTO, якая адсочвае моцныя выбухі па ўсім свеце з мэтаю недапушчэння незаўважаных ядзерных выпрабаванняў.
Дзве гідраакустычныя станцыі арганізацыі зафіксавалі каля аргенцінскага ўзбярэжжа «падводнае імпульсавае здарэнне». Паводле словаў прадстаўніка аргенцінскага флота, «існуюць дзве незалежныя крыніцы, якія кажуць адно і тое ж».
Экіпаж загінулай аргенцінскай дызель-электрычнай субмарыны «Сан-Хуан» складаецца з 44 маракоў. Паводле падлікаў спецыялістаў, шанцы знайсці іх жывымі зменшваюцца з кожнай гадзінай, калі лодка знаходзіцца пад вадой. Запасы кіслароду на ёй ужо павінны былі скончыцца.
Субмарына «Сан-Хуан» перастала выходзіць на сувязь 15 лістапада. Яе пошукі вядуцца ў паўднёвай Атлантыцы, на адлегласці да тысячы кіламетраў ад узбярэжжа краіны. Дапамогу ў пошукавай аперацыі Аргенціне аказваюць 13 краін, у тым ліку ЗША, Бразілія, Вялікабрытанія і Чылі. У пошуках задзейнічаны 4 тыс. чалавек і каля 30 самалётаў і судоў.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары