U Japonii vynajšli škło, jakoje možna adnavić paśla raźbićcia, prosta ścisnuŭšy jaho asobnyja častki
Hrupa daśledčykaŭ z Takijskaha ŭniviersiteta stvaryła škło, jakoje adnaŭlajecca, kali jaho raźbić. Pra heta paviedamlaje telekampanija NHK.
Pieršapačatkova śpiecyjalisty pracavali nad novym adhiezijnym srodkam, vykarystoŭvajučy miakkaje, padobnaje da humy rečyva — palimier tyjamačaviny. Adnak u chodzie ekśpierymientu rečyva zaćviardzieła, stała hładkim navobmacak i viarnułasia ŭ pieršapačatkovuju formu paśla defarmacyi.
Daśledčyki pasprabavali zrabić z hetaha materyjału škło. Vyśvietliłasia, što kali jaho razłamać na dźvie častki, a potym złučyć pałovy i ścisnuć ich, to praź dziesiać siekund škło adnaŭlajecca.
Kali cisk zachoŭvać na praciahu niekalkich hadzin, to, jak vyśvietlili śpiecyjalisty, takoje škło navat viartaje sabie raniejšuju tryvałaść.
Daśledčyki adznačyli, što palimier tyjamačaviny (polityjamačavina) lohka adnaŭlajecca paśla defarmacyi pry vysokich tempieraturach u «miakkim stanie». Adnak redka ŭdavałasia atrymać taki efiekt u ćviordym vyhladzie hetaha rečyva.
«Kali ŭ nas heta atrymałasia, ja spačatku nie całkam pavieryŭ, ale potym źvieryŭ z šeraham navukovych artykułaŭ i niekalki razoŭ paŭtaryŭ ekśpierymient», — raspavioŭ aśpirant Takijskaha ŭniviersiteta Janahisava Juu.
Śpiecyjalist taksama vykazaŭ nadzieju, što ŭ budučyni biaśpiečnaje dla navakolnaha asiarodździa samaŭznaŭlalnaje škło pryjdzie na źmienu zvyčajnamu, jakoje vykidvajecca, kali jaho raźbivajuć.
Kamientary