ANT adkazaŭ adzinamu štabu: Praź miesiac ziamla ačyścicca nastolki, što źniknuć štaby nieadbyŭšychsia kandydataŭ
Śviatłana Cichanoŭskaja, Vieranika Capkała i Maryja Kaleśnikava padali zvaroty ŭ ANT.
Abjadnany štab ličyć, što ŭ efiry kanała ANT rehularna vychodziać sfabrykavanyja siužety, dzie pra Viktara Babaryku i tych, chto prachodzić pa adnoj ź im spravie, havorycca jak pra ludziej, čyja vina ŭžo dakazanaja ŭ sudzie.
Jany skarystalisia svaim zakonnym pravam vykazać niazhodu.
Kanał ANT adreahavaŭ na heta žorstkim pres-relizam:
«Sprobu stvaryć štučny palityčny ažyjataž vakoł ANT varta rasceńvać jak cisk na žurnalistaŭ u suviazi z vykanańniem imi prafiesijnych abaviazkaŭ.
Niahledziačy na heta, zvaroty, jakija pastupili na adras telekanała, buduć razhledžany ŭ paradku, ustanoŭlenym Zakonam Respubliki Biełaruś «Ab zvarotach hramadzian i jurydyčnych asob».
Karystajučysia vypadkam, chočam zaklikać arhanizataraŭ padobnych akcyj da asabistaj adkaznaści za raspalvańnie varožaści ŭ hramadstvie i pakalečanyja losy maładych ludziej.
Upeŭnienyja, što ŭžo praź miesiac ziamla ačyścicca nastolki, što źniknuć štaby nieadbyŭšychsia kandydataŭ, ale bolšaść z nas daviedajecca pra heta, tolki kali sumnyja palittechnołahi pačnuć šukać novuju pracu», — havorycca ŭ zajavie kanała.
Kamientary