Ułady rychtujucca ŭzmacnić adkaznaść staršyniaŭ tavarystvaŭ ułaśnikaŭ žylla. Vidać, z-za pratestaŭ
Ukaz abmiarkoŭvaŭsia 13 studzienia na naradzie Alaksandra Łukašenki z uradam. Jon zajaviŭ, što da vyrašeńnia pytańnia ab uzmacnieńni adkaznaści staršyniaŭ tavarystvaŭ ułaśnikaŭ žylla «padviało samo žyćcio», paviedamlaje Biełteleradyjokampanija.
«Usie my bačyli, jakaja škoda była naniesienaja budynkam, zbudavańniam i hramadskaj majomaści ŭ vyniku tak zvanych pratesnych akcyj, — zajaviŭ Łukašenka. — U pieravažnaj bolšaści vypadkaŭ heta adbyvałasia pry papuščalnictvie, a časam i pa inicyjatyvie kiraŭnikoŭ arhanizacyj ułaśnikaŭ žylla. Na likvidacyju nastupstvaŭ i naviadzieńnie paradku tracilisia vielizarnyja hrošy».
Jon taksama nahadaŭ, što raniej davaŭ daručeńni ab uzmacnieńni adkaznaści staršyniaŭ praŭleńniaŭ tavarystvaŭ ułaśnikaŭ i inšych arhanizacyj «za niezabieśpiačeńnie zachavanaści, naležnaj ekspłuatacyi i ŭtrymańnia ahulnaj majomaści».
Kamientary