8 kastryčnika daražejuć niekatoryja marki impartnych cyharet. Takoje rašeńnie, pavodle infarmacyi pres‑słužby Ministerstva ekanomiki, utrymlivajecca ŭ pastanovie ministerstva № 158 ad 1 kastryčnika.
Cyharety Dunhill buduć kaštavać u roźnicy 4.800 rubloŭ (raniej — 4.700), Glamour (Pink, Menthol) — 3.200 (3.100), Kent Nanotek — 4.500 (4.400), Mild Seven 3.550 (3.500), R1 — 3.150 (3.050), Sobranie (Black Russia, Coctail) — 10.000 (9.500).
Jurydyčnym asobam i indyvidualnym pradprymalnikam, jakija majuć ab`iekty aptovaha, roźničnaha handlu i hramadskaha charčavańnia, zahadana pravieści pieraacenku rešty tytuniovych vyrabaŭ u adpaviednaści sa źmianieńniami, roźnicu ad pieraaceńvańnia rešty pradukcyi — adnieści na vyniki haspadarčaj dziejnaści zhodna z zakanadaŭstvam.
Jak adznačaje pres‑słužba, pavyšeńnie roźničnych cen adbyłosia ŭ suviazi z pavieličeńniem z 1 lipienia staŭki akcyznaha padatku i z ulikam uniesienych prapanoŭ imparciora tytuniovych vyrabaŭ RVTUP «Biełaruśhandal». Pastanova tyčycca cyharet, uvoz jakich u respubliku płanujecca ažyćciavić u druhim paŭhodździ 2009 hoda.
Zhodna z ukazam prezidenta № 332 z 1 lipienia pa 31 śniežnia 2009 hoda dziejničajuć pavyšanyja staŭki akcyzaŭ na ałkaholnuju i tytuniovuju pradukcyju.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača51
Kamientary