Łukašenka nie hatovy da ŭviadzieńnia adzinaj valuty z Rasijaj i Kazachstanam
«Hałoŭnaje — jeŭra zachavać».
Alaksandr Łukašenka zajaviŭ ab tym, što nie hatovy da ŭviadzieńnia adzinaj valuty ŭ ramkach Adzinaj ekanamičnaj prastory, ale ličyć pierśpiektyŭnym razhlad hetaha pytańnia ŭ budučyni.
«Vy, jak hramadzianin, hatovyja da taho, kab zaŭtra zrabić adzinuju valutu? — Nie hatovyja. I ja, jak prezident, nie hatovy», — zajaviŭ A. Łukašenka ŭ piatnicu, adkazvajučy na pytańni žurnalistaŭ.
Łukašenka nahadaŭ, što pytańnie pa adzinaj valucie abmiarkoŭvałasia ŭ ramkach
«Było šmat nievyraznaściaŭ, na jakija nichto nie moh adkazać», — skazaŭ jon.
«Tak, ja byŭ nie suprać, ale treba było spačatku mieć padmurak», — dadaŭ jon. U pryvatnaści, skazaŭ A. Łukašenka, «buduć roŭnyja ŭmovy, my budziem bačyć, da čaho heta pryviadzie, to čamu b nie stvaryć na roŭnych umovach i adzinuju valutu»? Pakul ža, pa słovach A. Łukašenki, «hetaje pytańnie padlahaje abmierkavańniu na ŭzroŭni ekśpiertaŭ».
«Nu i potym, my pavinny być pierakananyja, što heta nie pryviadzie da straty palityčnaha suvierenitetu.
Što heta nie razmaža, nie razmyje našu respubliku»,— skazaŭ A. Łukašenka, adznačyŭšy, što ŭ hetym zacikaŭleny i partniory pa AEP.
«My nie hatovyja da hetaha jašče. Ale jak pierśpiektyva, jak kłasičnaje farmavańnie [abjadnańnie], heta całkam mahčyma»,— adznačyŭ jon.
Łukašenka taksama prakamientavaŭ situacyju, źviazanuju z adzinaj valutaj u ramkach ES. «Byccam by — usio abmazhavali, ledź nie na roŭny ŭzrovień raźvićcia [vyjšli], uviali adzinuju valutu. A siońnia idzie razmova ab tym, što usio roŭna, što Hrecyja vyjdzie z zony jeŭra.
Hałoŭnaje — jeŭra zachavać,jak niadaŭna kazała viadomy hiermanski kiraŭnik», — adznačyŭ A. Łukašenka.
Pavodle jaho słoŭ, «heta niapravilnaja pastanoŭka, heta prynižeńnie partnioraŭ».
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača51
Kamientary