Здарэнне адбылося сёння ў 7.20 на прыпыначным пункце «Культтавары», у аўтобуса МАЗ-103 загарэлася кола, паведамляюць «Жодзінскія навіны».
Яшчэ да ўзгарання кола кіроўца аўтобуса зразумеў, што адбылася непаладка транспартнага сродку, і спешна прыняў меры засцярогі: на прыпыначным пункце папрасіў усіх пасажыраў вызваліць салон аўтобуса
Людзей перасадзілі ў іншы аўтобус.
Кіроўца няспраўнага аўтобуса, не чакаючы дапамогі ратавальнікаў, узяў вогнетушыцель і пачаў ліквідаваць загаранне самастойна.
Як пракаментаваў начальнік аўтакалоны аўтапарка №18 Сяргей Белякоў, аўтобус выраблены ў 2010 годзе, і на сёння яго знос складае сто адсоткаў. «Але праз недахоп рухомага складу мы яго часта рамантуем і часам выводзім у горад, каб закрыць лінію», — расказаў ён.
Каментары