Свая нафта лепш грэе
У найбліжэйшыя дні пачнецца эксплюатацыя Дзянісавіцкага радовішча нафты (Калінкавіцкі раён). Паводле словаў спэцыялістаў прадпрыемства «Белгеалёгія», пад канец году стане дакладна вядомы аб’ём запасаў сыравіны на радовішчы.
Пашырэньне Жлобінскага заводу
У сакавіку наступнага году на Жлобінскім мэталюргічным пачнецца мантаж абсталяваньня па вытворчасьці бясшоўных горачакатаных трубаў. Пасьля гэтай інвэстыцыі БМЗ мае заняць 1,5% сусьветнага рынку гэтай прадукцыі.
МАЗ+«Лукойл»=сябры
Менскі аўтамабільны завод падпісаў пагадненьне аб тэхнічнай супрацы з расейскай нафтавай кампаніяй «Лукойл». Згодна зь ім, змазачныя алівы вытворчасьці «Лукойлу» будуць уключаны ў тэхнічныя кніжкі аўтамабіляў МАЗ.
Ідэалёгія ў мэтро
Днямі ў менскім мэтрапалітэне мусіць распачацца трансьляцыя навін БТ і СТБ. Праект па ўстаноўцы 34 плязьменных манітораў, што будуць разьмяшчацца на платформах, каштаваў $450 тысяч. Арганізавала праект прыватная фірма «БелРосРэкляма». З 20 станцый мэтро тэлевізараў ня будзе толькі на станцыях «Парк Чалюскінцаў», «Першамайская» і «Моладзевая», што ня маюць дастатковага пасажырапатоку.
Сыліконавае Ўручча
Парк высокіх тэхналёгій разьмесьціцца ў сталічным мікрараёне Ўручча. Беларуская «крэмніевая даліна» на базе Акадэмгарадку зойме плошчу ў 50 га.
ЗД, afn.by, interfax.by
КДБ актыўна вярбуе палітвязняў, вызваленых па памілаванні — праваабаронцы1
Каментары