Канстытуцыйная асамблея Егіпта, большасць чальцоў якой з’яўляюцца прыхільнікамі ісламісцкага руху«Браты-мусульмане» , ухваліла праект новай канстытуцыі краіны.
Пасля доўгіх дэбатаў, якія завяршыліся раніцай у пятніцу, дэлегаты прагаласавалі за прыняцце ўсіх 234 артыкулаў асноўнага закона краіны.
Зараз дакумент павінен быць зацверджаны прэзідэнтам Махамедам Мурсі, пасля чаго будзе вынесены на ўсенароднае галасаванне.
Прадстаўнікі ліберальных колаў і хрысціянскай абшчыны байкатавалі абмеркаванне, заявіўшы, што іх «спіхнулі на палітычную абочыну».
Выканаўчая ўлада Егіпта паскорыла падрыхтоўку новага асноўнага закона на фоне пратэстаў супраць дэкрэта Махамеда Мурсі, які істотна пашырае паўнамоцтвы прэзідэнта.
Мурсі абяцае адмяніць свой указ, калі будзе прынята новая канстытуцыя.
Цяпер чытаюць
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак2
Каментары