Справа расейца, які пратараніў на «БМВ» шлагбаўмы на мяжы, адпраўлена ў суд
Пракуратурай Брэсцкай вобласці адпраўлена ў суд крымінальная справа ў дачыненні да
Як паведаміў БелаПАН старшы памочнік пракурора Брэсцкай вобласці па наглядзе за выкананнем заканадаўства аб дзяржаўнай бяспецы Эдуард Прылуцкі, расіянін, які доўгі час жыў у Германіі, абвінавачваецца ў тым, што 21 студзеня 2013 года ў аўтадарожным пункце пропуску «Дамачава» з парушэннем устаноўленага парадку праходжання мытнага і памежнага кантролю незаконна перасек мяжу з выкарыстаннем выкрадзенага ў Германіі «БМВ».
Кіруючы ім на вялікай хуткасці і ствараючы рэальную небяспеку жыццю і здароўю людзей, якія знаходзіліся ў пункце пропуску, малады чалавек наўмысна пашкодзіў і знішчыў чатыры шлагбаўмы, што знаходзяцца на балансе Брэсцкай мытні.
Такім чынам, разам з коштам работ па змене і аднаўленні пашкоджанай і знішчанай маёмасці ён нанёс мытні ўрон на агульную суму 29,7 млн. рублёў, што складае буйны памер.
Дзеянні грамадзяніна Расіі кваліфікаваныя па ч. 1 арт. 371 (незаконнае перасячэнне дзяржаўнай мяжы Рэспублікі Беларусь) і ч. 2 арт. 218 (наўмыснае знішчэнне або пашкоджанне маёмасці) Крымінальнага кодэкса.
«Пракуратурай Брэсцкай вобласці яму выстаўлены іск аб спагнанні ўрону, нанесенага маёмасці Брэсцкай мытні, на вышэйзгаданую суму, — дадаў Прылуцкі. — Праваахоўныя органы Германіі праінфармаваныя аб учыненым абвінавачаным грамадзянінам Расіі на іх тэрыторыі крадзяжы „БМВ“. У гэтай частцы пытанне аб яго крымінальнай адказнасці падлягае разгляду ў парадку, прадугледжаным міжнародным заканадаўствам».
Як зазначыў прадстаўнік пракуратуры, крымінальная справа адпраўлена для разгляду ў суд Брэсцкага раёна. Яна расследавана следчым аддзелам упраўлення КДБ па Брэсцкай вобласці.
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары