Белдзяржцырк плануе падрыхтаваць праграму для дарослых. Пра гэта паведаміў галоўны рэжысёр цырка Серж Бандарчук падчасанлайн-канферэнцыі на сайце БЕЛТА.
«Калі дырэктар Таццяна Мікалаеўна Бандарчук дазволіць і ў яе хопіць сілаў на ўвесь велізарны аб’ём працы, які мы запланавалі, то мы ўпершыню, акрамя асноўнай праграмы, зробім цырк для дарослых.
Напрыклад, мы зробім такую праграму ўвечары, прыкладна ў 21.00, пасля двух або трох дзённых спектакляў. Хочацца паказаць шоу ўзроўню Вегаса,а для дзяцей гэта можа быць сумным», — адзначыў галоўны рэжысёр.
Серж Бандарчук сказаў, што адмовіцца ад нумароў з сабакамі, малпамі і падобных ім немагчыма, іх любяць дзеці, таму Белдзяржцырк гатовы зрабіць праграму, якая будзе складацца з тых нумароў, паказ якіх у ранішніх спектаклях будзе не зусім дарэчным.
«Я хачу стварыць такую праграму, якая будзе цікавая і турыстам, якія да нас будуць прыязджаць, і, я спадзяюся, іх будзе вельмі шмат. Мы зробім дарослую праграму, дзе будзе шмат прыгожых жанчын, будуць сур’ёзныя музычныя пастаноўкі, дзе можна будзе ударыць па барабану і не баяцца, што дзеці ад гэтага заплачуць», — растлумачыў ён.
Галоўны рэжысёр адзначыў, што гэта будзе вячэрняе шоу, зробленае на базе дзённай праграмы. «Але там будуць мяняцца касцюмы, пастаноўкі, дададуцца нумары, якія не зусім дарэчныя днём. Напрыклад, зараз вельмі папулярна шоу тыпу танца на шасце або акрабатыка на шасце.
У Еўропе такія нумары вельмі часта ставяць, але ў 11 гадзін раніцы мы не будзем школьнікам паказваць дзяўчыну на шасце, хоць яна супергімнастка і далёка не стрыптызёрша. А ўвечары мы можам гэта паказаць.Хочацца прыйсці да такога фармату і здзіўляць людзей», — падкрэсліў Серж Бандарчук.
-
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай
-
У Магілёве адкрылі шыльду губернатару Дэмбавецкаму. Дату смерці яму напісалі на гады ранейшую за спробу ўцячы з Савецкай Расіі
-
У Заслаўі над руінамі брамы XVI стагоддзя пабудуюць навес. Што вядома пра ўнікальны аб'ект і чаму прапанаваны праект — бессэнсоўны і шкодны
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў5
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары