Беларускі пасол у Расіі Ігар Петрышэнка заявіў пра неабходнасць далейшага развіцця супрацоўніцтва Беларусі з Масквой.
На
Гандаль з Масквой Петрышэнка назваў «адным з важнейшых пунктаў экспарту».
«Чатыры мільярды долараў ЗША — гэта наш узаемны тавараабарот з Масквой. Важна заўважыць, што доля гандлю з Масквой у нашым экспарце — гэта 20%. Гэта вельмі істотная лічба», — сказаў пасол.
Ён адзначыў, што «ў Маскве прыжыўся кірмашовы гандаль беларускай прадукцыяй», таму Беларусь і далей плануе развіваць кірмашовы гандаль у расійскай сталіцы.
Пры гэтым кіраўнік беларускай дыпмісіі падкрэсліў: не ўся прадукцыя пад шыльдай «Тавары з Беларусі» такой з’яўляецца. Петрышэнка параіў звяртацца да гандлёвых прадстаўнікоў Беларусі па атрыманне інфармацыі аб рэальных пастаўшчыках. «Мы працуем у Маскве па прынятай тут нарматыўнай базе. Мы адпавядаем усім патрабаванням, якія прад’яўляе да нас урад Масквы. На жаль, мы не можам ручацца за любога, хто пад шыльдай „Тавары з Беларусі“ гандлюе падробкай», — сказаў ён.
Дыпламат таксама паведаміў, што ў Маскве будзе расці колькасць рэстаранаў беларускай кухні. Сёння, паводле яго звестак, у Маскве працуюць чатыры рэстараны беларускай кухні.«У Беларусі смачная і вельмі багатая нацыянальная кухня, якая знойдзе наведвальнікаў, — перакананы ён. — Так што мы запрашаем прадпрымальнікаў прасоўваць рэстараны нашай нацыянальнай кухні. Мы ўжо вядзем перамовы са сталічнымі і беларускімі прадпрымальнікамі, у якіх ёсць пэўная цікавасць у рэстаранным бізнесе. У перспектыве мы паспрабуем адкрыць у Маскве яшчэ некалькі нацыянальных рэстаранчыкаў».
Пасол Беларусі нагадаў, што не так даўно (у лістападзе 2012 года) у Мінску прайшлі Дні Масквы, адказам на якія стануць Дні Мінска ў Маскве. «Тады, на днях Масквы ў Мінску, у нас пабывалі прадстаўнікі расійскай сталіцы, атрымалася плённа папрацаваць. Спадзяюся, на запланаваных на восень Днях Мінска ў Маскве ўсё пройдзе толькі лепш», — сказаў Ігар Петрышэнка.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»16
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары