І дапамагла яму ў гэтым «Наша Ніва». І пасьлядоўныя размовы Пазьняка аб «шпіёнах» ён лічыць «небеспадстаўнымі». Суздальцаў: Я не шпіён.
На сайт «СБ», дзе вось ужо некалькі дзён працуе «віртуальная прыёмная» Якубовіча, чытач даслаў паведамленне аб тым, што ў газеце «Наша Ніва» прачытаў матэрыял аб цяжкай хваробе Суздальцава, вядомага ў якасці пастаяннага крытыка Якубовіча. Чытач запытаўся, ці рады журналіст бядзе, якая напаткала палітолага.
Падкрэсліўшы, што не з’яўляецца ворагам Андрэя Іванавіча і жадае яму хутчэйшага выздараўлення, Павел Ізотавіч звярнуў увагу на цікавы факт:
«Суздальцаў зараз лечыцца ў адным з шпіталёў Міністэрства абароны Расіі. Значыцца, А.Суздальцаў – старэйшы афіцэр запасу, паколькі толькі яны маюць права лячыцца ў вайсковых шпіталях? Не, Суздальцаў, як вынікае з яго біаграфіі на сайце «НН», у войску не служыў. Застаецца адно: Суздальцаў - дзеючы афіцэр. Танкіст, сапёр, лётчык? Не. Факт змяшчэння палітолага ў вайсковы шпіталь сведчыць аб тым, што Суздальцаў – афіцэр спецслужбы, хутчэй за ўсё, ГРУ Генштабу МА Расіі. Цяпер зразумела шмат з таго, што было загадкай. І асаблівая, відавочна афарбаваная ў разведколеры дзейнасць Суздальцава ў Мінску, і яго тэрміновая дэпартацыя, якая па форме аналагічна з дзейнасцю ўладаў, калі з краіны высылаецца разведчык... Варта таксама прызнаць, што паслядоўныя размовы Пазьняка аб «шпіёнах», небеспадстаўныя».
Палітолаг Андрэй Суздальцаў адказаў на абвінавачванні ў шпіёнскай дзейнасці з боку рэдактара газеты «Беларусь сегодня» («Советская Белоруссия»).
Каментуючы Рацыі выказванні Паўла Якубовіча ў «віртуальнай прыёмнай» на сайце газеты, Суздальцаў запэўніў, што
«ніколі не працаваў, не служыў у дзяржаўных органах». «Зараз з’яўляюся выкладчыкам дзяржаўнага ўніверсітэта — Вышэйшай школы эканомікі. Гэта першая за ўсё жыццё мая «дзяржаўная» пасада. Да гэтага я ў дзяржавы браў грошы толькі, калі быў студэнтам. Гэта была стыпендыя».
Па словах эксперта, у Якубовіча няма ніякіх падставаў лічыць яго супрацоўнікам спецслужбаў: «Усё высмактана з пальца». Што датычыць вайсковага шпіталя, у якім зараз лечыцца Суздальцаў, то, па яго словах, гэта звязана з яго сувязямі ў Савеце федэрацыі і Савеце бяспекі Расіі:
«Андрэй Іванавіч Суздальцаў з’яўляецца дзеючым экспертам Савета федэрацыі, Савета бяспекі. Калі са мною здарылася бяда, гэтыя дзве ўстановы паклапаціліся аб тым, каб я атрымаў высокакваліфікаваную медычную дапамогу. Нічога гэтага я не хаваў. Калі б я быў супрацоўнікам спецслужбаў, паверце, ніхто б не ведаў, дзя я лячуся».
На гэтым спадар Суздальцаў не спыніўся і ў сваю чаргу абвінаваціў рэдактара «СБ»:
«Я разумею ўвагу Паўла Ізотавіча да майго лёсу, паколькі менавіта ён зрабіў усё, каб прыбраць мяне з беларускага палітычнага поля. Менавіта ён са старонак сваёй газеты абвінаваціў мяне ў аўтарстве нейкіх ананімак. Дарэчы, «супрацоўнік спецлужбы» — традыцыйнае кляймо ў Беларусі, якое вешаецца на любога палітычнага праціўніка. Павел Ізотавіч зараз проста апраўдваецца. Ён цудоўна ведае, што піша хлусню. Ведае, хто змяшчаў тыя ананімкі. Там было задзейнічана КДБ, і ўжо высветлілі, што гэтым займаўся другі чалавек. Яны пазбавілі мяне дома, на гады адарвалі ад сям’і, а зараз шукаюць сабе апраўдання. Я дзіўлюся, як некаторыя людзі могуць так хлусіць, не ведаючы пра чалавека па сутнасці нічога».
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА5
Каментары